Plantun de Prouvènço

Pèr coumpara dos planto d'encò nostre

Typha angustifolia & Hyacinthus orientalis

Fielouso

Typha angustifolia

Typhaceae

Àutri noum : Filouso, Paviho-negro, Cire, Sagno, Masseto.

Noms en français : Massette à feuilles étroites, Quenouille à feuilles étroites.

Descripcioun :
Ei pas toujour eisa de destria aquesto fielouso dis àutri paviho. Typha angustifolia a li fueio mens larjo (3-7 mm) aleva d'aquéli di rejit que podon èstre mai larjo (2 cm). A peréu d'auriheto bèn dessinado (fotò) enca qu'acò èi de vèire emé l'auturo de la fueio ! Lou mies es encaro la distànci que desseparo l'espigo masclo de la femelo que fai aperaqui 3,5 cm.

Usanço :
Li fueio de fielouso podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 9 à 74 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Estang - Roubino - Ribiero
Estànci : Termoumediterran à Coulinen
Couroulougi : Bourealo
Ref. sc. : Typha angustifolia L., 1753

Jacinte

Hyacinthus orientalis

Asparagaceae Liliaceae

Àutri noum : Jacint, Jacinto, Muguet-blu, Muguet-double.

Nom en français : Jacinthe d'Orient.

Descripcioun :
Lou jacinte es uno planto couneigudo que nous vèn de Turquìo e de Sirìo e que se pòu naturalisa dins lis ancian vignarés e óuliveto. S'atrovo tambèn d'eici d'eila dins lis escoumbre, escapado di jardin. Fai uno enflourejado en grapo laco de flour vióuleto.

Usanço :
Touto la planto es empouisounanto e pòu douna d'irritacioun à la pèu.

Port : Erbo
Taio : 15 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Hyacinthus
Famiho : Asparagaceae
Famiho classico : Liliaceae

Ordre : Aspargales

Coulour de la flour : Bluio
Petalo : 6
Ø (o loungour) flour : 1,5 à 2 cm
Flourido : Printèms

Sòu : Ca
Autour basso e auto : 0 à 600 m
Aparado : Noun
Febrié à abriéu

Liò : Óuliveto - Vignarés - Ermas - Escoumbre e proche dis oustau
Estànci : Termoumediterran à Mesoumediterran
Couroulougi : Óurigino Asìo-Ouèst
Ref. sc. : Hyacinthus orientalis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha angustifolia & Hyacinthus orientalis

ges

Coumpara Fielouso emé uno autro planto

Coumpara Jacinte emé uno autro planto